Pakistanda terror aktlarının qarşısı alındı
Eastnews.org-un verdiyi xəbərə görə, Pakistan təhlükəsizlik qüvvələri ölkənin şimal-qərbində yerləşən Xeybər Pahtunva vilayətinin inzibati mərkəzi sayılan Peşəvər şəhərində bir sıra terror aktının qarşısını alıb.
Bu barədə APP agentliyi məlumat verib.
Məlumata əsasən, Pakistan təhlükəsizlik qüvvələri tərəfindən “Ləşkəri İslam” ekstremist təşkilatın 4 üzvü və onlara yardım edən 8 yerli vətəndaş həbs edilib.
Terrorçulardan kamikadze kəmərləri, əldə qayırma partlayıcı qurğular aşkar ediilib. Terrorçular Peşəvar şəhərində insanların sıx toplaşdığı yerlərdə partlayış törətməyi planlaşdırblar.
