Pakistanla İran arasında yeni sərhəd gömrük keçidinin açılışı olub

İranla Pakistan arasında ticarət yüklərinin daşınması və vətəndaşların get-gəli üçün yeni sərhəd keçidinin açılışı olub.

İnterAz SalamNews-a istinadla xəbər verir ki, İranla Pakistan arasında Rimdan adlı sərhəd gömrük keçidinin açılışı olub.

Sərhəd gömrük keçidinin açılışında İranın Yol və Şəhərsalma naziri Məhəmməd İslami, Pakistanın Dəmir yolları naziri Zübeydə Calal və sair rəsmiləri qatılıblar.

Bu keçid Pakistanın Kəraçi limanına daha yaxın olduğundan ticarət yüklərinin daşınması üçün hər iki ölkə üçün əlverişlidir.

Rimdan, İranla Pakistan arasında Mircavə keçidindən sonra əsas ikinci gömrük keçidi olacaq.