Pekin Ağ Evə Tayvanı ələ keçirəcəyini bəyan etdi – QARŞIDURMA

Çinin müdafiə naziri Vey Fenxe ilə ABŞ müdafiə naziri Lloyd Austin Sinqapurda keçirilən “Şangri-La Dialoq” adlı təhlükəsizlik zirvəsində görüşüb.

Publika.azxəbər verir ki, tərəflər Tayvan məsələsini müzakirə ediblər.

Çinin müdafiə naziri amerikalı həmkarına Tayvanla bağlı xəbərdarlıq edib.

“Tayvan müstəqilliyini elan edərsə, Çin tərəddüd etmədən müharibəyə başlayacaq. Bununla bağlı ən kiçik addım belə müharibəyə səbəb olacaq”, – Vey deyib.

ABŞ müdafiə naziri isə cavabında Tayvanı müdafiə edib və qeyd edib ki, mövcud status-kvonun dəyişməsinə icazə verməyəcəklər. Austin Çini Tayvana qarşı addımlardan çəkinməyə çağırıb.

Publika.az