Pezeşkiyan: İran neftinə sanksiya qoymaqla bizə problem yarada bilməzlər

Pezeşkiyan: İran neftinə sanksiya qoymaqla bizə problem yarada bilməzlər

Prezident ölkə alimlərinin, mütəxəssislərinin, sənətkarların və istehsalçılarının bacarıqlarına toxunaraq deyib: “Nə qədər ki, biz daxili imkanlarımıza, bacarıqlarımıza, öz sərmayələrimizə arxalanırıq, düşmənlərimiz neftə sanksiya tətbiq etməklə bizə problem yarada bilməz.”

Məsud Pezeşkiyan, bu gün, cümə axşamı, 13 martda, Tehran vilayətinin cənub-şərq bölgəsinin sənətkarları və əl sənayesi fəalları ilə görüşdə düşmənlərin İran xalqına qarşı məkrli planlarının nəticə verməyəcəyini vurğulayaraq deyib: “Mütəxəssislərin, elitaların, istehsalçıların, sənətkarların və sənət adamları kimi milli sərmayələrimiz olduqca, neft embarqosu bizi narahat etmir.”

Pezeşkiyan əlavə edib: “Sərmayələrimizi itirəndə problemlə üzləşirik. Maddi sərvətindən asılı olan hər bir xalq bir gün məhv olacaq. Ona görə də insan kapitalına, istehsalçılara, sənətçilərə, iş adamlarına, elm adamlarına diqqət yetirməliyik. Bunlara diqqət yetirsək və onların fəaliyyətinə mane olmasaq təhdidlər, sanksiyalar heç nəyə nail olmayacaq.”

Prezident deyib: “Amerika bizə təzyiq edir, çünki biz özümüzü neft və qazdan asılı vəziyyətə salmışıq. Nə qədər ki, biz ayaqlarımızın altındakı qaynaqlardan asılıyıq, onlar tükənsə və ya onları satmağımıza mane olsa, problemlər üzləşərik. Sənət yaratsaq və istehsal etsək, heç bir güc bizi dayandıra bilməz.”

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

two × one =