Portlend şəhərinə iğtişaşlarla mübarizə üçün qoşun yeridilir
Az.shafaqna.com “USA Today”-a istinadən xəbər verir ki, ABŞ-ın Portlend şəhərinə iğtişaşlar səbəbi ilə Milli Qvardiya qoşunları yeridiləcək.
Müvafiq qərarı Oreqon ştatının qubernatoru Keyt Braun verib, çünki polis ştatın ən böyük şəhərində “genişmiqyaslı qanun pozuntuları” qeydə alır.
Ötən gün azı 10 etirazçı həbs edilib. Polisin məlumatına görə, onlardan biri tapança, bıçaq və kustar üsulla hazırlanmış partlayıcı ilə silahlanmışdı. Etirazlar zamanı polislərə hücumlar olub.
Qeyd edilir ki, Portlenddə etirazçıların 2 qrupu fəaliyyət göstərir.
Xatırladaq ki, 3 noyabrda ABŞ-da seçkilər baş tutub. Seçkilər bitdikdən sonra bir sıra şəhərlərdə etirazlar başlayıb.
