Putin: ABŞ-ın raket müqaviləsini pozması bizi səsdən sürətli bir raket yaratmağa məcbur etdi

Sizinyol xarici mediaya istinadən xəbər verir:

Rusiya Prezidenti ABŞ-ın ballistik raket əleyhinə müqavilədən çıxdıqdan sonra nüvə qabiliyyətli səsdən sürətli raketlər istehsal etməkdən başqa, çarəsi olmadığını söylədi.

Sputnik-in verdiyi məlumata görə, Rusiya Prezidenti Vladimir Putin Buş rəhbərliyinin 2002-ci ildə hava müdafiəsini qadağan edən 1972-ci il anti-ballistik müqaviləsini pozduqdan sonra, Moskvanın üstün silah sistemlərinin inkişafına davam etməkdən başqa, çarəsi olmadığını bildirdi.

ABŞ-ın 2002-ci ildə anti-ballistik raket müqaviləsindən çıxması Rusiyanı səsdən sürətli silahların hazırlanması prosesinə başlamağa məcbur etdi.

Putin dedi: Bu silahları nüvə silahı qabiliyyətimiz üçün təhlükəli olan ABŞ-ın Strateji Raketdən Müdafiə Sisteminin yerləşdirilməsinə cavab olaraq hazırlamağa məcbur olduq. Bu, strateji nüvə silahları və uzunmənzilli aviasiya və qitələrarası ballistik raketlərin texnologiyası ilə və ya mütəxəssislərin nüvə başlığı göndərmə sistemləri ilə əlaqəlidir.”

Məlumata görə, 2018-ci ildə Rusiya ABŞ-ın Raket Əleyhinə Qalxan qurma addımına cavab olaraq “Kanjal” səsdən sürətli raket sistemi və “Avanqard” qitələrarası ballistik raketini elan olunan vaxtdan bir il əvvəl təqdim etdi.