Putinin Baydenin təhqirinə cavabı: Qatil başqalarını qatil adlandırır

Sizinyol xarici KİV-ə istinadən xəbər verir ki, Rusiya prezidenti Vladimir Putin cümə axşamı amerikalı həmkarı Co Baydenin özü ilə bağlı təhqirlərinə reaksiya verib.

İnterfaks xəbər agentliyinə görə, Putin Baydenin təhqirinə qarşı reaksiyası barədə suala belə cavab verib: “Ona can sağlığı diləyirəm. Qatil başqalarına qatil deyən insanın özüdür.”

O, həmçinin belə qeyd edib: “İnsanlar başqalarını özləri kimi təsəvvür etməyə meyllidirlər. Amerika Birləşmiş Ştatları bizim də onlar kimi olduğumuzu düşünür, amma bizim fərqli genlərimiz var!”

Vladimir Putin həmçinin Moskvanın Vaşinqtonla əməkdaşlıq etməyə hazır olduğunu bildirərək belə əlavə edib: “Ancaq iki tərəfə də fayda verəcək və Rusiyanın maraqlarını nəzərə alan bir əməkdaşlıq. Amerika liderləri Rusiya ilə münasibətləri öz meyllərinə uyğun şəkildə qurmağa qərarlıdırlar, lakin biz onlarla öz maraqlarımız əsasında əməkdaşlıq edəcəyik.”