Qəzza zolağına hücumları davam edir

İşğalçı rejim ordusu Qəzza şəhərinin cənubundakı Əl-Zeytun məhəlləsində bir qrup fələstinlini hədəfə  alması nəticəsində bir neçə nəfər şəhid olub və yaralanıb.

İRNA-nın verdiyi xəbərə görə, bu gün (25 iyul) Rəfahın şimal-qərbindəki əl-Şakuş bölgəsində də bir fələstinli İsrail əsgərləri tərəfindən güllələnib.

Sionist ordunun Xan Yunisin şərqindəki Təhliyə bölgəsinə artilleriya hücumu nəticəsində azı 4 fələstinli şəhid olub, bir neçə nəfər isə yaralanıb.

Həmçinin Fələstin tibb mənbələri sionist rejim ordusunun Qəzza zolağının cənubunda Xan Yunus şəhərinin müxtəlif bölgələrinə bugünkü hücumları nəticəsində 14 fələstinlinin şəhid olduğunu və bir neçə nəfərin yaralandığını açıqlayıb.

Eyni zamanda, sionist mediası Qəzza zolağında bir israilli əsgərin həlak olması xəbərini yayıb və daha iki əsgərin ağır yaralandığını bildirib.

Bu xəbərə görə, ölən və yaralananlar helikopterlə İsrail xəstəxanasına aparılıb.

Fələstin Səhiyyə Nazirliyi Qəzza zolağında sionist işğalçı ordunun son 24 saat ərzində fələstinli mülki əhaliyə qarşı daha 3 qətliam törətdiyini açıqlayıb.