Qərb Sahilində və Qüdsdə 24 saat ərzində 29 müqavimət əməliyyatı həyata keçirilib

Fələstin mənbələri son 24 saat ərzində İordan çayının qərb sahilində və işğal altında olan Qüdsdə İsrail qüvvələrinə və mühacirlərə qarşı 29 müqavimət əməliyyatının baş verdiyini bildirib.

İşğal altındakı İordan çayının qərb sahili və Qüds son 24 saat ərzində işğalçı qüvvələrə və məskunlaşmaçılara qarşı 29 müqavimət əməliyyatının şahidi olub ki, bunlardan ən mühümü mühacirlərin avtomobillərinin atəşə tutulması və hədəf alınması olub. Nəticədə, iki sionist yaralanıb.

Fələstinli döyüşçülər Nablusun Həvarə qəsəbəsində sionist mühacirlərin maşınlarına atəş açıb və bir mühacirlər yaralanıb, əlavə olaraq Nablusun Yitzhar qəsəbəsi yaxınlığında fələstinlilərin atdığı daşlar nəticəsində daha bir sionist yaralanıb.

Fələstin Əl-Yəvm kanalının xəbərinə görə, fələstinli yaraqlılar Hebronun Kərmi Tasur qəsəbəsini atəşə tutub və əldəqayırma bombalarla Ramullahdakı Əttarə keçidini hədəfə alıblar.

Həmçinin, fələstinli gənclər Ramullahdakı köçkünlərin avtomobillərini molotof kokteyli ilə hədəfə alıb, Beyti-Ləhm əyalətindəki Məzmuriyyə keçidi yaxınlığında sionistlərin avtomobillərinin şüşələrini sındırıblar.

Müxtəlif bölgələrdə sionist əsgərlər və mühacirlər ilə 16 təmas nöqtəsində də toqquşmalar baş verib və fələstinli gənclər işğalçı əsgərlərə daş atıblar.

İordan çayının qərb sahili və işğal altındakı Qüdsün müxtəlif bölgələrində işğalçı rejim əsgərləri və sionist mühacirlərə qarşı müqavimət əməliyyatları artıb və işğalçı rejimin hesablamalarını və təhlükəsizlik sistemini pozub.

Bununla əlaqədar olaraq Fələstin İnformasiya Mərkəzi “Muti” öz dövri hesabatında elan edib ki, ötən avqust ayında 832 müqavimət əməliyyatı baş verib və bu əməliyyatlarda 28 sionist yaralanıb, onlardan bəzilərinin vəziyyəti ağırdır.

Həmçinin, beş müxtəlif vilayətdə 9 fələstinli sionist əsgərlər tərəfindən yaralanıb, onlardan beşi Nablusdandır. Həmçinin, 621 nəfər də yaralanıb.

Fələstinlilərlə işğalçı rejim əsgərləri arasında qarşıdurma da ötən iyul ayı ilə müqayisədə xeyli artıb və işğalçı rejimin hədəflərinə 73 atışma qeydə alınıb ki, bunun da 28-i Nablusda, 24-ü isə Cənində baş verib.