Qətər və İsmayıl Həniyyənin İsrail rejiminin Qəzzə zolağına hücumuna reaksiyası
HƏMAS-ın siyasi ofisinin rəhbəri İsrail rejiminin Qəzzə zolağına hücumunu qəti şəkildə pisləməklə yanaşı, Fələstin İslami Cihadının şəhid komandirinin qətlində törətdiyi cinayətə görə bu rejimin məsuliyyət daşıdığını vurğulayıb.
Qətər Xarici İşlər Nazirliyi İsrail rejiminin Qəzzə zolağına onlarla insanın şəhid və yaralanması ilə nəticələnən hava hücumuna cavab olaraq bu hücumu şiddətlə qınayıb və pisləyib.
Qətər Xarici İşlər Nazirliyi işğalçıların mülki şəxslərə qarşı davamlı hücumlarını dayandırmaq üçün beynəlxalq ictimaiyyətin dərhal reaksiya göstərməsinin vacibliyini vurğulayıb.
Qətərin Xarici İşlər Nazirliyi Fələstinin davası və bu ölkə xalqının qanuni hüquqlarının dəstəklənməsində qəti mövqeyini bildirib.
Həniyyə deyib: İşğalçılar komandir Təysir Əl-Cəbərinin öldürülməsinə görə məsuliyyət daşıyırlar.
Digər tərəfdən Fələstin HƏMAS hərəkatının siyasi ofisinin rəhbəri İsmayıl Həniyyə Fələstin İslami Cihad müqaviməti komandirlərinin öldürülməsinə cavab olaraq İsrail rejiminin buna görə cavab verəcəyini vurğulayıb.
Həniyyənin ofisinin açıqlamasına görə, O, çağırışlarda hər kəsdən bu cinayəti pisləməyi tələb edib.
Bu cümə günü axşam saatlarında İsrail ordusu Qəzzədə yaşayış məntəqələrinə hava hücumu həyata keçirib və bu hücum zamanı Təysir Əl-Cəbəri və İslami Cihadın Qüds qərargahının bir neçə komandiri şəhid olub. İslami Cihad bu cinayətə görə qisas alacağını vəd edib.
Fələstinin Qəzzə zolağının Səhiyyə Nazirliyi son statistikasında sionistlərin Qəzzəyə hücumu nəticəsində 10 nəfərin şəhid olduğunu, 55 nəfərin isə yaralandığını açıqlayıb.
