Qətər yenidən vasitəçi rolundadır

Qətər Fələstin müqaviməti ilə İsrail arasında vasitəçi rolunu bərpa edərkən, Trampın müşavirləri bir-iki ay ərzində həyata keçiriləcək atəşkəs yol xəritəsi üzərində çalışdıqlarını açıqladılar. Danışıqların razılaşmanın təfərrüatlarının və azadlığa buraxılacaq məhbusların dəqiqləşdirilməsi mərhələsində olduğu bildirilib.

Reuters agentliyinin məsələ ilə bağlı məlumatlı mənbəyə əsaslanaraq verdiyi xəbərə görə, Qətər Fələstin müqaviməti ilə İsrail arasında razılaşma üçün vasitəçi rolunu bərpa edir.

Trampın müşavirlərindən biri atəşkəs çərçivəsində bir-iki ay ərzində həyata keçiriləcək yol xəritəsindən danışıb.

Mənbənin məlumatına görə, ABŞ-ın yeni seçilmiş prezidenti Donald Trampın Yaxın Şərq üzrə nümayəndəsi Stiv Vitkoff yanvarın 20-də Tramp vəzifəyə başlamazdan əvvəl Qəzzada atəşkəsin yaradılması və əsirlərin mübadiləsi üçün diplomatik təşəbbüslərə başlayıb.

Vitkoff bu çərçivədə Qətərin baş naziri və xarici işlər naziri Şeyx Məhəmməd bin Əbdürrəhman əl-Tani və İsrailin baş naziri Benyamin Netanyahu ilə görüşüb.

Bildirilib ki, noyabrın sonunda Qətərə və İsrailə səfər edən Witkoff, Qətərin keçən ay dayandırdığı vasitəçilik rolunu bərpa etdiyini təsdiqləyib.

Danışıqlardan sonra HƏMAS müzakirəçilərinin danışıqların yeni raundu üçün tezliklə Dohaya qayıda biləcəyi bildirilir.

Trampın Yaxın Şərq üzrə müşaviri Massad Boulos Fransanın Le Point qəzetinə verdiyi açıqlamada Qətərin İsrail və Qəzza arasında vasitəçilikdə mühüm rol oynadığını bildirib.

Boulos bildirib ki, Qətər Misirlə birlikdə bu rolu davam etdirməyə hazır olduğunu açıqlayıb.

Boulos həmçinin qeyd edib ki, Qəzzada atəşkəs razılaşmasının konturları müəyyən edilib və Fələstin tərəfində azad ediləcək məhbusların adları və sayı ilə bağlı yalnız kiçik detallar qalıb.

Bununla belə, Boulos bir-iki ay ərzində həyata keçiriləcək atəşkəs çərçivəsində yol xəritəsinin hazırlandığını vurğulayıb.

Digər tərəfdən, Axios portalının məlumatına görə, Trampın müşaviri, seçilmiş prezidentin müqavilənin İsrail üçün məqbul olacağı təqdirdə onu dəstəkləyəcəyini və əsirlərin həyatı təhlükə altında olduğu üçün razılaşmanın təcili olduğunu bildirib.

Eyni mənbə Trampın Qəzzada atəşkəs razılaşmasını ən qısa zamanda həyata keçirmək istədiyini bildirib.