Qəzzə işğal altındakı Fələstinə raket zərbələri endirib

Qəzzə işğal altındakı Fələstinə raket zərbələri endirib

 Cümə axşamı səhər xəbər mənbələri Qəzzədə Fələstin müqavimət qüvvələrinin işğal olunmuş Fələstinə raket zərbələri endirdiyini bildirib.

Şahab Fələstin xəbər agentliyinin məlumatına görə, Qərbi Nəqibdə sionistlərin “Dorut” və “Həfət Şikmim” yaşayış məntəqələrində raket hücumu həyəcanı verilib.

Sionist rejimin 14-cü kanalı Qəzzədən işğal olunmuş Fələstinə doğru 4 raket atıldığını bildirib.

Bu xəbərə əsasən, Qərbi Nəqib səması üzərində bir neçə partlayış səsi eşidilib ki, bu da çox güman, sionist rejimin raket əleyhinə sistemlərinin fəaliyyəti ilə bağlıdır.

Digər tərəfdən, Fələstin müqavimət qüvvələri Qəzzə səmasında sionist qırıcıya “yer-hava” tipli raketlər atıblar.

Əl-Cəzirə telekanalının məlumatına görə, sionist təyyarə Qəzzənın mərkəzində Fələstin müqavimət qüvvələrinin mövqelərindən birini hədəfə alıb.

Çərşənbə günü gecə sionist ordusunun baş qərargah rəisi Herzi Halevinin Qəzzə zolağının yaşayış məntəqələrində olması ilə eyni vaxtda Qəzzədən sionistlərin Aşkol qəsəbəsinə doğru 2 raket atılıb.

İRNA-nın məlumatına görə, sionist əsgərlər çərşənbə günü səhər saatlarında Əl-Qəbli məscidinin daxilində ibadət edənlərə hücum edərək, onları məsciddən çıxarmağa çalışıblar.

Sionist rejimin bu hücumları və cinayətlərinə cavab olaraq, Fələstin müqavimət qrupları çərşənbə axşamı gecəsi və çərşənbə səhəri Qəzzə zolağının sərhədi ətrafındakı sionist yaşayış məntəqələrini ən azı üç dəfə raketlərlə hədəfə alıblar və sonra həyəcan təbili çalıb.

Fələstin İslami Müqavimət Hərəkatı (HƏMAS) dünənki bəyanatında yəhudilərin Pasxa bayramı bəhanəsi ilə məskunlaşanların Məscidül-Əqsa içərisində qurban kəsmək planına və sionistlərin hər hansı axmaqlıq və hücumuna qarşı sərt xəbərdarlıq edib.

Bundan əvvəl İordan çayının qərb sahilindəki Ərinəl-Usud müqavimət qrupu da bəyanat verərək sionist rejimi təhdid edib və işğalçılara deyib: “Bu sionist mühacirlərin Məscidül-Əqsada etdikləri hər cür axmaqlıq sizin təsəvvür etmədiyiniz ağır bədəllər ödəməyinizə səbəb olacaq.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

8 − three =