Qəzzədə bir sionist əsgər ölüb və daha 13 əsgər yaralanıb

İsrail ordusu çərşənbə günü gecə Qəzzada bir əsgərinin öldürüldüyünü, 13 əsgərinin isə yaralandığını açıqlayıb.

İRNA-nın Əl-Cəzirəyə istinadən verdiyi məlumata görə, sionist ordu Qəzzanın cənubunda bir sionist əsgərin öldürüldüyünü və 13 digər əsgərin də yaralandığını açıqlayıb ki, onlardan 6-nın vəziyyəti ağırdır.

Sionist ordu əlavə edib ki, Xan Yunisin Həməd qəsəbəsində bombanın partlaması nəticəsində bu əsgər həlak olub, 13 nəfər isə yaralanıb.

Bu xəbərə görə, ölən əsgərin adı Çavuş Devid Sasundur və o, Cəbəl Briqadasının üzvüdür.

İRNA-nın məlumatına görə, oktyabrın 7-də Əl-Əqsa tufanı əməliyyatının başlanmasından bəri hər gün ölən əsgərlərinin adlarını bircə-bircə elan edən Sionist Ordusu, 4 aydan çox vaxt keçdikdən sonra Qəzza müharibəsində öz senzurasının həcmini çox yüksəltdi. Sionist hərbçilərin bir çox ailələri Qəzzə zolağına göndərilən övladlarının taleyi haqqında çox az şey bilirlər və bəzən jurnalist və ya sionist hərbçi statistik məlumatlar verir və işğal olunmuş ərazilərdə çaxnaşma yaradır.

2023-cü il oktyabrın 7-də Fələstin müqavimət qrupları Qəzzadan (Fələstinin cənubu) İsrail rejiminin mövqelərinə qarşı “Əl-Əqsa tufanı” əməliyyatına başlayıb və nəhayət, 45 günlük döyüş və qarşıdurmadan sonra 24 noyabr 2023-cü il) HƏMAS ilə sionist rejim arasında əsirlərin mübadiləsi üçün dörd günlük fasilə elan edildi.

Müharibədəki bu fasilə yeddi gün davam etdi və nəhayət, 1 dekabr 2023-cü il, cümə günü səhər saatlarında müvəqqəti atəşkəs sona çatdı və İsrail rejimi Qəzzaya qarşı hücumlarını bərpa etdi.

Bu rejim “Əqsa tufanı” hücumlarına cavab vermək, məğlubiyyətini kompensasiya etmək və müqavimət əməliyyatlarını dayandırmaq üçün Qəzza zolağının keçidlərini bağlayıb və bu ərazini bombalayır.