Qəzza müharibəsinin başlanğıcında Netanyahu ilə Halevi konfliktinin təfərrüatları məlum olub

 Sionist mediaları Qəzza müharibəsindən sonra İsrail baş naziri ilə İsrail ordusunun o zamankı Baş Qərargah rəisi Hertzi Halevi arasında Qəzzaya hücumların hədəfi olması və günahsız insanların öldürülməsi ilə bağlı konfliktin təfərrüatlarını dərc edib.

Sizinyolun xarici KİV-lərə istinadən verdiyi məlumata görə, Yedioth Ahronoth qəzeti yazıb: Qəzzada müharibənin ilk 48 saatı ərzində Netanyahu və Halevi təhlükəsizlik kabinetinin iclasında mübahisə ediblər. Halevi İsrail təhlükəsizlik kabinetinin iclasında müharibənin ilk iki günündə Qəzzada 1500 hədəfi bombaladığını açıqlayıb.

İsrail ordusunun baş qərargah rəisi bu rəqəmi açıqladıqdan sonra Netanyahu masanın üzərindəki xəritələri yerə atıb və hirslə Haleviyə qışqıraraq “Niyə cəmi 1500 hədəf var?” Niyə Qəzzada 5000 nöqtəni bombalamadınız? deyib.

Halevi İsrail baş nazirinin bu qəribə və məntiqsiz istəyinə cavab olaraq deyib: Biz Qəzzada 5 min hədəf müəyyən etməmişik; Qəzzada cəmi 1500 hədəf müəyyən edib hədəf bankımıza yerləşdirmişik ki, onların hamısı son iki gündə vurulub.

Daha sonra Netanyahu Haleviyə deyib: Mənim üçün hədəflər bankı önəmli deyil. Evləri, evləri dağıdın, Qəzzada hər şeyi məhv edin.