Qəzzadan Təl-Əvivə raket atılıb

Əl-Qəssam Briqadaları Təl-Əvivə raket hücumu təşkil etdiyini açıqlayıb.
Sizinyolun xarici KİV-lərə istinadən verdiyi məlumata görə, Həmas hərəkatının hərbi qanadı Əl-Qəssam Briqadaları İsrail rejiminin Qəzzada dinc əhaliyə qarşı cinayətlərinə cavab olaraq M90 raketləri ilə Təl-Əvivi hədəf aldığını açıqlayıb.
Bundan əvvəl İsrail ordusu Qəzzadan atılan raketlərdən sonra xəbərdarlıq sirenlərinin səsləndiyini açıqlamışdı.
İsrail ordusu Qəzza zolağının cənubundan işğal olunmuş ərazilərə üç raket atıldığını açıqlayıb.
İsrail rejimi Qəzza zolağına indiyədək yüzlərlə insanın şəhid olması və yaralanması ilə nəticələnən hücumlarını çərşənbə axşamı günü bərpa edib.