Qəzzaya görə iki rus təyyarəsi havaya qalxdı
Rusiya Fövqəladə Hallar Nazirliyi Qəzza sakinlərinə kömək etmək üçün 28 ton tibbi yardım daşıyan iki təyyarənin Misirə uçduğunu açıqlayıb. Bu barədə “Rusiya Tudey” məlumat yayıb.
Bildirilir ki, FHN-nin iki yük təyyarəsi dərmanlar və sarğılar da daxil olmaqla, humanitar yüklərin yeni partiyası ilə Qəzza zolağına göndərilib.
Qeyd edək ki, daha öncə Fələstin Səhiyyə Nazirliyi elan edib ki, dərman və tibbi avadanlıq çatışmazlığı səbəbindən Qəzzadakı xəstəxanaların vəziyyəti kritikdir.
