Qırmızı dənizin girişində diplomatik satranç: Somalilenddən Vaşinqtona strateji təklif
Sizinyol xarici KİV-ə istinadən xəbər verir:
Somalilend hökuməti, Qırmızı dənizin girişində yerləşən strateji ərazidə ABŞ-a hərbi baza və kritik mineral resurslara çıxış imkanı vermək müqabilində suveren dövlət kimi tanınmasını tələb etməyə hazırlaşır. Bu təklif Somalilendin beynəlxalq arenada tanınması yönündə mühüm diplomatik addım hesab edilir.
Mənbəyə görə, hazırlanan əməkdaşlıq paketi ABŞ-ın Afrikadakı mövqelərini gücləndirmək və regionda geosiyasi balansı dəyişmək gücünə malikdir. Hələlik təklif rəsmi şəkildə Vaşinqton tərəfindən qəbul edilməyib.
Somalilend 1991-ci ildə Somalidən ayrıldığını elan etsə də, beynəlxalq səviyyədə tanınmayan bir qurum olaraq qalır. ABŞ-la mümkün əməkdaşlıq, bölgədəki strateji güclər arasında yeni diplomatik cərəyanların başlanmasına səbəb ola bilər.
