Ramazan və Qəzza xalqının ikiqat iztirabları

Bu ilin müqəddəs Ramazan ayı Qəzza zolağının əhalisi üçün aclıq, susuzluq və məhv olmaq ayıdır. Dünya müsəlmanları bu müqəddəs ayın günlərini oruc tutaraq, gecələrini ibadətlə keçirdikləri halda, bu bölgənin sakinləri orucun çətinlikləri ilə yanaşı, aclıq, mühasirə və adi şəraitin olmaması ilə mübarizə aparır.

Sizinyolun bu gün (20 mart) xarici KİV-lərə istinadən verdiyi məlumata görə, mübarək Ramazan ayı ərəfəsində humanitar yardımların ölkəyə daxil olmasını asanlaşdırmaq ümidləri var idi. Amma işğalçı rejim nəinki kifayət qədər ərzaq məhsullarının daxil olmasına imkan verməməklə yanaşı hətta bu yardımın ötürülməsi üçün marşrutları bağladı və sonra bölgəyə qarşı müharibəni bərpa etdi.

Bu təcavüzün kölgəsində hava hücumları nəticəsində evlərini və sığınacaqlarını itirən çoxlu fələstinli ailələr indi küçələrdə, məktəblərdə və ya müvəqqəti çadırlarda iftar və ya sahur yeməkləri olmadan yaşayırlar.

Mübarək Ramazan ayı başlayan kimi beynəlxalq təşkilatlar Qəzzaya daha çox ərzaq və tibbi yardım göndərməyə cəhd göstərsələr də, İsrail rejimi yardım karvanlarının girməsinə icazə verməyib və bu yardımın daşınması üçün əsas yolları bağlayıb.

Nəşr edilmiş şəkillərdə un, düyü, içməli su və dərman daşıyan yük maşınlarının Qəzzaya keçidlərdə dayandığını və bu əşyaların bir çoxunun qəsdən gecikmələr səbəbindən xarab olduğunu göstərir.