Reuters: Tramp silah ixracı qaydalarını sadələşdirəcək
Donald Tramp ABŞ silahlarının digər ölkələrə ixracı qaydalarını sadələşdirmək üçün fərman imzalamaq niyyətindədir.
APA xəbər verir ki, bu barədə “Reuters“ məlumat yayıb.
Agentliyin mənbələri bildiriblər ki, ABŞ administrasiyası bu addımı yaxın günlərdə elan edə bilər.
Fərmanda, xüsusilə Konqresin silahların satışına icazə verməsi ilə bağlı qaydaların yumşaldılması nəzərdə tutulur.
Qeyd edək ki, mövcud qanuna görə, Vaşinqton administrasiyası başqa ölkəyə silah satışı üçün Konqresdən icazə almalıdır.
