Rusiya ABŞ-a sərt xəbərdarlıq edib

Rusiya xarici işlər nazirinin müavini xəbərdarlıq edib ki, ABŞ və NATO Moskvanın təhlükəsizlik təklifini rədd edərsə, Rusiya təhdidə qarşı müqavimət sistemi yaratmaq üçün addımlar atmağa məcbur olacaq.

Moskva dekabrın 15-də Rusiya, ABŞ və NATO arasında təhlükəsizliklə bağlı təkliflərinin təfərrüatlarını ABŞ diplomatlarına təqdim edib və cümə günü Dövlət Departamentinin saytında təklif olunan sazişi yerləşdirib.

ABŞ və NATO rəsmiləri də Rusiyanın təqdim etdiyi sənədləri incələdiklərini təsdiqləyiblər.

Sputnik-in məlumatına görə, Rusiya Xarici İşlər nazirinin müavini Aleksandr Qroşko şənbə günü xəbərdarlıq edib ki, ABŞ və NATO Moskvanın təhlükəsizlik təkliflərini rədd edərsə, Moskva təhdidə qarşı müqavimət sistemi yaratmaq üçün addımlar atmağa məcbur olacaq.

“Biz açıq şəkildə bildirdik ki, regionun bütün ölkələrinin hərbi təhlükəsizliyini gücləndirən məsələləri müzakirə etməyə hazırıq.” – o, Rusiya mətbuatına bildirib. Qrasko vurğulayıb ki, Rusiyanın təhlükəsizliklə bağlı təklifləri Rusiya-ABŞ münasibətlərində mövcud təhlükəli vəziyyəti aradan qaldırmaq və danışıqlara doğru irəliləməyə yönəlib.

Rusiya cümə günü Ukrayna və digər keçmiş Sovet dövlətlərinin NATO-ya üzvlüyünə qadağa və Avropada silah və sursatların mövcudluğuna məhdudiyyətlərin qoyulmasını tələb edən təhlükəsizlik paketi layihəsini təqdim edib.

Moskva həmçinin NATO qüvvələrinin Rusiya sərhədləri yaxınlığında yerləşdirilməsini dayandırmağa çağırıb. 2014-cü ilin dekabrında Ukrayna parlamenti hökumətin Avropa İttifaqı və NATO-ya qoşulmamasını aradan qaldırmaq üçün iki qanuna dəyişiklik etdi. 2019-cu ilin fevralında Ukrayna parlamenti ölkənin Avropa İttifaqı və NATO-ya yolunu təmin edən konstitusiya dəyişikliklərini qəbul edib.

Məlumata görə, Ukrayna NATO-da “qabaqcıl tərəfdaş” statusu alan altıncı ölkədir. NATO-nun keçmiş baş katibi Anders Foq Rasmussen daha əvvəl bildirmişdi ki, alyansa qoşulmaq üçün Ukrayna bir sıra meyarlara cavab verməlidir ki, onların həyata keçirilməsi çox vaxt aparacaq.