Rusiya ilə İran arasında azad ticarət sazişi imzalanmaq üzrədir
Rusiyanın yüksək rütbəli iqtisadi rəsmisi Tehran və Moskva arasında azad ticarət sazişinin son mərhələdə olduğunu və tezliklə imzalanacağını açıqlayıb.
Rusiyanın iqtisadi inkişaf nazirinin müavini Vladimir İliçev “Rasha Today” telekanalına müsahibəsində deyib ki, Moskva və Tehran azad ticarət sazişinin yekun danışıqlar mərhələsindədir. Onun sözlərinə görə, bu saziş iki ölkə arasında ticarətin bütün sahələrini əhatə edir və bu il imzalanması nəzərdə tutulur.
İliçov bildirib ki, hazırda Rusiya Birləşmiş Ərəb Əmirlikləri, Misir və İndoneziya ilə oxşar azad ticarət sazişləri üzrə danışıqlar aparır və bu sazişlərin yaxın iki-üç il ərzində həyata keçiriləcəyi gözlənilir.
Rusiyanın iqtisadi rəsmisi həmçinin deyib: Amerika sanksiyalarının tətbiqindən sonra dollar və avro Rusiya ticarət hesablaşmasında öz hökmranlığını itirib.
O əlavə edib ki, Rusiya ticarət hesablaşmasında dollar və avronun payı 2022-ci ilin əvvəlində 90%-dən həmin ilin sonuna kimi 50%-dək aşağı düşüb və bu tendensiya davam edəcək.
İliçov Sankt-Peterburq Beynəlxalq İqtisadi Forumunda (SPIEF) bildirib ki, Vaşinqtonun rəhbərlik etdiyi sanksiya siyasəti daha çox ölkəni milli valyutada hesablaşmaya sövq etdiyi üçün dollar və avro tədricən qlobal dominantlığını itirir.
O, sözlərinə belə davam edib: 2022-ci ilin əvvəlində Rusiyanın ticarət dövriyyəsində dollar və avronun payı demək olar ki, 90% təşkil edib. İlin sonuna bu valyutaların payı 48%-ə qədər azalıb, hesablaşmaların 50%-dən çoxu rubl və yuanla hesablanıb. Qərb ölkələrinin yeni sanksiya paketlərini təsdiqləməsi ilə eyni vaxtda bu proses bu il də davam edəcək.
“Raussia Today” İliçiva istinadən bildirib ki, müxtəlif ssenarilərdən asılı olaraq, Rusiya Maliyyə Nazirliyi 2023-cü ilin sonuna kimi dollar və avronun payının 10-15%-ə qədər azalacağını gözləyir. O qeyd edib ki, Avrasiya İqtisadi İttifaqı (Aİİ) ölkələri arasında hesablaşmalarda rublun payı 2023-cü ildə 75%-ə çatıb. Birlikdən kənar və keçmiş Sovet İttifaqı ölkələri, Çin və ərəb ölkələri dollardan daha aktiv şəkildə imtina edən tərəflər sırasındadır. Moskvanın Hindistanla hesablaşmalarının əhəmiyyətli bir hissəsi də rupinin payına düşür.
İRNA-nın məlumatına görə, rəsmi statistikaya əsasən, 2022-ci ildə Çin və Rusiya arasında ikitərəfli ticarət ötən ilin eyni dövrü ilə müqayisədə 34 faizdən çox artaraq rekord həddə – 190 milyard dollara çatıb. İliçovun sözlərinə görə, indi Moskva və Pekin 2030-cu ilin sonuna qədər ticarət dövriyyəsini 300 milyard dollara çatdırmağı hədəfləyib.
