Rusiya Ukraynanın itkilərini açıqladı
“Rusiya qoşunları gecə ərzində Ukraynanın 14 hərbi obyektini vurublar”.
“Qafqazinfo” “TASS”a istinadən xəbər verir ki, bunu Rusiya Müdafiə Nazirliyinin rəsmi nümayəndəsi general-mayor İqor Konaşenkov açıqlayıb.
Onun sözlərinə görə, Rusiyanın hava hücumundan müdafiə vasitələri Ukrayna Silahlı Qüvvələrinə məxsus 6 pilotsuz uçuş aparatını vurub.
“Rusiya Silahlı Qüvvələri hərbi əməliyyat başlayandan bu günə qədər Ukraynaya məxsus 392 PUA, 211 reaktiv yaylım atəşi sistemi, 226 zenit-raket kompleksi, 1936 tank və digər zirehli maşın, 125 təyyarə, 91 helikopter, eləcə də 1810 xüsusi hərbi avtomobil texnikasını sıradan çıxarıblar”, – deyə Konaşenkov söyləyib.
Qafqazinfo.az
