Rusiya və Misirin xarici işlər nazirləri Qəzza məsələsini müzakirə ediblər
Mehr Xəbər Agentliyinin Sputnik-ə istinadən verdiyi xəbərə görə, Rusiya Xarici İşlər Nazirliyi bazar ertəsi verdiyi açıqlamada Rusiya və Misir xarici işlər nazirlərinin Fələstin məsələsi ilə bağlı məsləhətləşmələr apardıqlarını açıqlayıb.
Rusiya Xarici İşlər Nazirliyinin yaydığı bəyanatda bununla bağlı deyilir: Sergey Lavrov və Misirin xarici işlər naziri Sameh Şukri Fələstin-İsrail münaqişəsi zonasında vəziyyətin kəskin şəkildə pisləşməsini müzakirə ediblər.
Bu bəyanatda daha sonra deyilir: Misirin xarici işlər naziri Lavrova oktyabrın 21-də Qahirədə keçirilməsi planlaşdırılan Fələstinlə bağlı görüş barədə məlumat verib.
Fələstinin Qüds işğalçılarına qarşı müqavimət əməliyyatının 10-cu günündə sionist rejim qırıcıları Qəzzəyə qarşı ən şiddətli hücumları həyata keçirib və bu hücumlar hələ də davam edir.
Qəzzədəki fələstinli mənbələr sionist rejimin hücumları nəticəsində son 24 saat ərzində 254 nəfərin həlak olduğunu açıqlayıb. Bu müddət ərzində daha 562 nəfər yaralanıb.
Sözügedən mənbələr sionist rejimin Qəzzəyə hücumları nəticəsində şəhid olanların sayının 2808-ə, yaralıların isə 10859-a yüksəldiyini bildiriblər.
Sionist rejimin artilleriyası Livanın cənubundakı Əz-Züheyrə qəsəbəsini hədəf alıb.
