Rusiyada partlayış: Xəsarət alanlar var

Az.shafaqna.com RİA-ya istinadən xəbər verir ki, Rusiya Federasiyası Qaraçay-Çərkəz Respublikasında baş vermiş partlayış nəticəsində 6 nəfər xəsarət alıb.

Bu barədə Rusiyanın Milli Antiterror Komitəsi məlumat verib.

Bildirilir ki, yerli vaxtla 12:00 radələrində Uçkeken kəndində şəxsiyyəti bilinməyən şəxsin hüquq-mühafizəçiləri tərəfindən əməliyyat-axtarış tədbirləri keçirildiyi əraziyə soxulmaq cəhdinin qarşısı alınıb.

“Saxlanma cəhdi zamanı cani özünü partladıb”, – deyə komitədən qeyd edilib.

Xəsarət alanlar hüquq-mühafizə orqanlarının əməkdaşlarıdır, onlar yüngül xəsarətlər alıblar. Onlara tibbi yardım göstərilib.

Mülki şəxslər arasında xəsarət alan yoxdur.

Hücum edən şəxsin kimliyi müəyyən edilir.