Rusiyada terror aktı törətmək istəyən İŞİD üzvləri saxlanılıb
Rusiyanın Pyatiqorsk şəhərində İŞİD terror qruplaşmasının terror aktı cəhdinin qarşısı alınıb.
“Report” TASS-a istinadən xəbər verir ki, bu barədə yerli hüquq-mühafizə orqanları məlumat yayıb.
Qeyd olunub ki, polis idarəsi yaxınlığında terror aktı törətmək istəyən İŞİD üzvləri saxlanılıblar.
Məlumata görə, saxlanılanlar əməllərini etiraf ediblər.
Terrorçuların yaşayış evlərində axtarış aparılarkən əldəqayırma partlayıcı qurğunun hazırlanması üçün əldə etdikləri komponentlər və zədələyici elementlər, montaj sxemləri, qadağan olunmuş təşkilatın rəmzləri, məxfi əlaqə vasitələri aşkar edilərək götürülüb.
Report.az
