Səfir amerikalıların Suriyadakı varlığına münasibət bildirdi

Sizinyol xarici KİV-ə istinadən xəbər verir ki, Rusiyanın Vaşinqtondakı səfiri Anatoli Antonov ABŞ ordusunun sözçüsü Veyn Marutonun tvitinə cavab olaraq amerikalıların Suriyada qalmasına qeyri qanuni olduğunu bildirib.

Maruto daha əvvəl öz tvitində yazmışdı: “ABŞ qüvvələri beynəlxalq hüquq və Təhlükəsizlik Şurasının 2015 -ci ildə qəbul edilmiş 2254 saylı qətnaməsinə əsasən Suriyanın şimal-şərqində qalacaqdır.”

Rusiya səfiri Anatoli Antonov isə bu tvitə cavab olaraq yazıb: “ABŞ silahlı qüvvələrinin Suriyada qalmaq üçün heç bir qanuni icazəsi olmadığı bir həqiqətdir. BMT Təhlükəsizlik Şurasının 2254 saylı qətnaməsini şərh etməyiniz gülüncdür. Zəhmət olmasa sənədi tam oxuyun.”

ABŞ-ın dəstəklədiyi Suriya Kürd Demokratik Qüvvələri hazırda Əl-Hsəkə, Deyr əz-Zor və Rəqqa da daxil olmaqla Suriyanın əksər şərq və şimal-şərq əyalətlərinə nəzarət edir.

ABŞ ordusu burada qanunsuz olaraq dördü Deyr əz-Zor əyalətindəki neft yataqlarının yaxınlığında və beşi isə Əl-Həsəkədə yerləşən 9 hərbi baza qurmuşdur.