Səna hökuməti: Səudiyyə və BƏƏ-nin Trampın qazanması üçün xərclədiyi milyardlarla dollar pul məhv oldu

Sizinyol xarici mediaya istinadən xəbər verir:

Yəmən Ənsarullahın dəstəklədiyi Səna hökumətinin Baş Naziri ofisinin direktoru şənbə günü Donald Trampın məğlub olması və Co Baydenin ABŞ Prezident seçkilərində qazandığı zəfər barədə dedi:

Səudiyyə Ərəbistanı və BƏƏ hökumətlərinin Baydeni məğlub etməsi üçün xərclədikləri milyardlarla dollar pul tələf oldu.

O: “Trampın məğlubiyyətindən və Riyadın Trampın qələbəsi üçün xərclədiyi milyardlarla dolların məhv olması Bayden rəhbərliyinə güvənmək və ona nikbin olmaq demək deyil.” – dedi.

Yəmən Ənsarullah hərəkatının siyasi bürosunun üzvü Əli Əl-Qahum “ABŞ hökumətindəki insanların dəyişməsi ABŞ-ın müstəmləkə siyasətini heç vaxt dəyişdirməyəcək.” – deyə bildirdi.

Əlavə etdi: “ABŞ hökumətinin siyasətini idarə edən və bölgədəki dağıdıcı planları istiqamətində onu yönləndirən sionist lobbidir.”

Co Bayden Donald Trampın yalnız 214 elektral səsinə qarşı 290 elektral səslə ABŞ-ın 46-cı Prezidenti və Kamala Harris ilk qadın vitse-prezident olaraq seçildi.

Bayden ABŞ Prezident seçkilərində qalib gəldiyini elan etdikdən sonra, şənbə gecəsi ilk tvitində yazdı: ” Bütün amerikalıların – mənə səs verənlərin də, səs verməyənlərin də Prezidenti olacağam.”