Səna: İranın Yəmənin qərarlarına qətiyyən müdaxiləsi yoxdur
Yəmənin xarici işlər naziri ABŞ-ın İranın Sənanın qərarlarına təsir göstərməsi ilə bağlı təkrarlanan iddialarını rədd edib.
Sizinyolun xarici KİV-lərə istinadən verdiyi məlumata görə, Yəmən XİN başçısı bu gün (19 mart) deyib: İran bizim qərarlarımıza heç bir müdaxilə etmir və Yəmənin sionistlərə qarşı əməliyyatları müstəqil qərardır və Qəzzanın mühasirəsi qırılana qədər davam edəcək.
Camal Amir çıxışında Yəmən silahlı qüvvələrinin Qırmızı dənizdə İsrail gəmilərinə qarşı əməliyyatlarını heç bir şəkildə azaltmayacağını və dayandırmayacağını açıqlayaraq deyib: Qəzzə blokadası ləğv edilməmişdən əvvəl Yəmənin sionist rejimə qarşı əməliyyatlarının azaldılmasından söhbət getməyəcək. İranın Yəmənin qərarlarına qətiyyən müdaxiləsi yoxdur, baxmayaraq ki, bəzən bəzi hallarda vasitəçilik edir, amma diktə yoxdur.
