Səudiyyə Ərəbistanının Əl-Hudeydəyə hava hücumu / Yəmənlilər pilotsuz təyyarələrlə qisas aldı
Sizinyol xarici KİV-ə istinadən xəbər verir ki, yerli Yəmən mənbələri bazar günü səhər təcavüzkar Səudiyyə koalisiyası qırıcılarının Əl-Hudeydə limanına hücum etdiklərini bildiriblər.
“Səudiyyə-Amerika təcavüzkar düşmənlərinin döyüş təyyarələri əl-Hudeydədəki Əl-Lahiyyə bölgəsinə hücum ediblər”, deyə əl-Məsirə telekanalı xəbər verib.
Səudiyyə koalisiyasının Yəmənin Əl-Hudeydə limanına təcavüzkar hücumundan sonra Yəmən silahlı qüvvələri pilotsuz təyyarələrlə qisas alıblar.
Səudiyyə təcavüzkar koalisiyası bazar günü səhər Səudiyyə Ərəbistanının cənubunda iki Yəmən pilotsuz təyyarəsini qeydə aldıqlarını iddia edib.
Əl-Ərəbiyyə, Səudiyyə koalisiyasına istinadən Yəmənli qüvvələrin bu rejimə qarşı əməliyyatlarını davam etdirdiklərini və onların da Yəmənə qarşı təcavüzlərini davam etdirəcəklərini xəbər verib.
