Səudiyyə Ərəbistanının Yəmənin şimalına hücumlarını nəticəsində 14 nəfər yaralanıb
Media mənbələri Səudiyyə Ərəbistanı ordusunun yeni ilin ilk günündə Yəmənin şimalındakı sərhəd qəsəbələrinə hücumlarının davam etdiyini və ən azı 14 nəfərin yaralandığını bildirib.
Səudiyyə koalisiyası Yəmənə qarşı hərbi təcavüzün davam etməsinə uyğun olaraq bu gün (1 yanvar bazar günü) Səədə vilayətinin (şimal) sərhədyanı qəsəbələrini hədəfə alıb.
Səədə əyalətindəki təhlükəsizlik mənbəsi deyib: Mənbeh xəstəxanası Səudiyyə ordusu qüvvələrinin sərhəddəki Mənbeh şəhərinə doğru açdığı atəş nəticəsində yaralanan üç afrikalı mühacir də daxil olmaqla altı yaralını qəbul edib.
Həmçinin bu gün Səudiyyə ordusunun sərhəddəki Şada şəhərinə raket və artilleriya hücumları nəticəsində yaralanan 8 yəmənli yaralı Razeh xəstəxanasına aparılıb.
Dünən səhər saatlarında Səudiyyə ordusunun qüvvələri Səədə vilayətində (Yəmənin şimalında) “Ər-Raqo” sərhəd bölgəsini atəşə tutub, 4 nəfər yaralanıb.
Bir neçə gün əvvəl Yəmənin rəsmi xəbər agentliyi 2022-ci il ərzində Səudiyyə koalisiyasının Səədə əyalətinin sərhəd bölgələrinə raket və artilleriya hücumları nəticəsində 3000-ə yaxın yəmənli və çox sayda afrikalı mühacirin şəhid olduğunu və yaralandığını açıqlamışdı.
