Səudiyyə Ərəbistanı: Fələstinlilərin öz torpaqlarında yaşamaq hüququ var

Səudiyyə Ərəbistanının Xarici İşlər naziri Qəzzada müvəqqəti atəşkəsin kifayət etmədiyinə diqqət çəkərək, daimi atəşkəsə ehtiyac olduğunu vurğulayıb.

Səudiyyə Ərəbistanının Xarici İşlər naziri Feysəl Bin Fərhan çərşənbə günü Qəzzada müvəqqəti atəşkəsin kifayət etmədiyini bildirib.

Bin Fərhan deyib: Misir və Qətərin səyləri ilə əldə edilən müvəqqəti atəşkəsdən sonra daimi atəşkəslə bir ümid işığı var idi, lakin müvəqqəti atəşkəs kifayət deyil və biz daimi atəşkəs istəyirik.

O bildirib: “Biz fələstinlilər və israillilərin iki dövlətli həll çərçivəsində birlikdə yaşamasına imkan verən etibarlı sülhə nail olmaq üçün çalışırıq və beynəlxalq ictimaiyyətdə atəşkəs çağırışları da artmaqdadır.”

Bin Fərhan əlavə edib: “Fələstinlilər öz torpaqlarını tərk etmək istəmirlər və onların öz torpaqlarında təhlükəsizlik, ləyaqət və sülh içində yaşamaq hüququ var. Beynəlxalq ictimaiyyət qətli və mühasirəni dayandırmaq üçün hərəkətə keçməlidir və fələstinlilərə humanitar yardım göstərməlidir.”