Səudiyyə Ərəbistanı ilə ABŞ arasında Rafale döyüş təyyarələrinin alınması ilə bağlı gərginlik ehtimalı
Rafale döyüş təyyarələrinin alınması Səudiyyə Hərbi Hava Qüvvələrinə daha müxtəlif donanmaya sahib olmağa imkan verəcək, lakin bu potensial böyük sifariş ABŞ ilə gərginliyə səbəb ola bilər.
Bazar ertəsi xəbər mənbələri Səudiyyə Ərəbistanının öz hava qüvvələrini Fransa istehsalı olan Rafale döyüş təyyarələri ilə gücləndirməyə çalışdığını və bu addımın ABŞ ilə gərginliyi artıra biləcəyini bildirdi.
Xəbər mənbələrinə görə, Səudiyyə Ərəbistanı ABŞ-ın onun F-35 döyüş təyyarəsi almaq istəyini rədd etdikdən sonra Fransanın Dassault şirkətindən 150 ədəd Rafale döyüş təyyarəsi almağa çalışır.
Amerika bu hərəkəti İsrailin hərbi üstünlüyünü dəstəkləmək üçün edib.
Bu hesabata görə, Səudiyyə Hərbi Hava Qüvvələri illərdir F-15 və Eurofighter kimi Amerika və Avropa qırıcılarına arxalanırdı, lakin indi imkanlarını gücləndirmək üçün Fransaya üz tutub.
Rafale qırıcılarının alınması Səudiyyə Ərəbistanına daha müxtəlif donanmaya sahib olmağa imkan verir. Bununla belə, potensial böyük sifariş ölkəyə silah satışından ehtiyat edən ABŞ ilə daha da gərginliyə səbəb ola bilər.
Aviasiya üzrə analitik Riçard Abulafia deyib: “Səudiyyəlilər F-15 qırıcısını ABŞ-dan alırlar və təbii ki, onlar F-35-i də istəyirlər. Ancaq ehtiyaclarını ikili mənbədən təmin etməyə can atdıqları üçün başqa bir təyyarə almaq niyyətindədirlər.”
İndiyədək bu qırıcı Yunanıstan, İngiltərə, İtaliya, Avstriya, Almaniya, İspaniya və Oman hava qüvvələrində istifadə olunub. Rafale delta qanadlı çoxməqsədli qırıcıdır. Bu qırıcı müxtəlif döyüş tapşırıqlarını yerinə yetirir, o cümlədən hava üstünlüyü, dərin hədəflərə hücumu və düşmən gəmilərini müəyyən edib onlara hücumu ilə fərqlənir.
Media həmçinin Səudiyyə Ərəbistanının qabaqcıl qırıcı yaratmaq məqsədilə çoxmillətli layihədə iştirak etmək üçün atdığı addımlar barədə məlumat yayıb. “Global Defence News” saytı İngiltərənin “Financial Times” qəzetinə istinadən yazır ki, İngiltərə, Yaponiya və İtaliya şirkətləri yeni qırıcının hazırlanması üzərində işləyirlər. Bu proqram ilk təyyarələri 2035-ci ilə qədər çatdırmağı planlaşdırır. İngiltərə, İtaliya və Yaponiya bu sahədə üçmillətli ittifaq yaradıblar.
