Səudiyyə koalisiya qüvvələrinin gəlişindən sonra Yəmənin Ətəq hava limanında partlayış baş verib

Xəbər mənbələri bildiriblər ki, Səudiyyə koalisiya qüvvələrinin gəlişindən sonra Yəmənin Ətəq hava limanında güclü partlayış baş verib.

Mənbələr Əl-Cəzirə telekanalına bildiriblər ki, Ətəq hava limanında güclü partlayış baş verib, lakin partlayışın səbəbi ilə bağlı əlavə təfərrüatlar açıqlanmayıb.

Məlumata görə, partlayış Səudiyyə qüvvələrinin hava limanında toplaşdığı yerdə baş verib. Partlayışın səbəbi hələlik məlum deyil və onun mümkün itkiləri ilə bağlı statistika açıqlanmayıb.

Bununla bağlı “Yəmən News” xəbər saytı öz mənbələrinə istinadən xəbər verir ki, hava limanında bir neçə partlayış baş verib və buna raket hücumları səbəb olub.

Mənbələr partlayışların alovlarının kəskin şəkildə şölələnməsinə səbəb olduğunu və hücumlar zamanı Səudiyyə-Əmirliyi qüvvələrinin və qondarma “Əlviyyətul-Əmaləqə” ünsürləri birləşmələrinin hədəf alındığını bildiriblər.

Bu mənbələrin məlumatına görə, bu hücumlar nəticəsində bir neçə nəfər ölüb və yaralanıb. Bu qrupun üzvləri Əl-Qaidə ilə əlaqəli təkfirçi ünsürlərdir.

Bu hadisələr Yəmən xəbər mənbələrinin bu yaxınlarda Səudiyyə-Əmirliyi təcavüzkar koalisiyasının əksər ünsürləri sələfi-təkfirçilərdən ibarət olan “Əlviyyətul-Əmaləqə” briqadalarını Şəbva əyalətinə köçürməyə çalışdığını bildirdiyi vaxta təsadüf edir.