Səudiyyə koalisiyası Yəməndə atəşkəs rejimini 182 dəfə pozub
Xəbər mənbələri şənbə günü səhər xəbər veriblər ki, Səudiyyə koalisiyası son 24 saat ərzində Yəməndə atəşkəs rejimini 182 dəfə pozub.
Əl-Məsirənin məlumatına görə, Səudiyyə koalisiyası Mərib, Taiz, Covf, Səədə, Əl-Hədidə, Zale, Əl-Beyza, Hiccə əyalətləri və sərhəd əməliyyat oxları üzərində kəşfiyyat uçuşları həyata keçirərək atəşkəsi pozub.
Bu xəbərə görə, Səudiyyə koalisiya qüvvələri Hədidə, Taiz, Mərib, Həccə, Səədə, Cizan, Zale və Nəcran əyalətlərində ordu qüvvələri və xalq komitələrinin mövqelərini, eləcə də Yəmən vətəndaşlarının evlərini ağır artilleriya, raket və minaatanlardan atəşə tutub.
Bu arada, BMT-nin Yəmən məsələləri üzrə xüsusi nümayəndəsi “Hans Grundberg” təxminən iki ay əvvəl Yəmən tərəflərinin atəşkəs rejimini 2 ay uzatmaq barədə razılığa gəldiyini açıqlayıb.
O deyib: Yəməndə atəşkəsin uzadılması tərəflərin daha geniş razılaşma əldə etmək üçün danışıqlar aparmaq öhdəliyini ehtiva edir.
Yəməndə təcavüzkar Səudiyyə koalisiyası tərəfindən dəfələrlə pozulan atəşkəs BMT məsləhətləşmələrindən əvvəl bir dəfə uzadılıb. Bu atəşkəsin 2 aylıq uzadılması avqustun 11-də başa çatıb və yenidən uzadılıb.
Bundan əvvəl Yəmənin Ali Siyasi Şurasının rəhbəri Mehdi Əl-Məşat demişdi ki, Səudiyyə koalisiyasının dəfələrlə atəşkəsi pozması nəticəsində Yəməndə atəşkəs demək olar ki, məhv edilib.
