Səudiyyə qırıcılarının hücumu nəticəsində 3 uşaq ölüb, 10 uşaq yaralanıb

Səudiyyə Ərəbistanının Yəmənin Əl-Hədidə və Taiz əyalətlərinə endirdiyi hava zərbəsi nəticəsində 3 uşaq və bir qadın ölüb, 10 nəfər yaralanıb.

Səudiyyə qırıcıları bu gün (çərşənbə günü) Yəmənin bir neçə vilayətini bombalayıb, əl-Hədidə əyalətində yaşayış evi sakinlərin üzərinə uçub, nəticədə 7 nəfər ölüb və yaralanıb.

Əl-Məsirə saytının məlumatına görə, Səudiyyə qırıcısı bu gün Əl-Hədidə əyalətinin “Heys” bölgəsinin şərq hissəsindəki yaşayış məntəqələrini bombalayıb, nəticədə bir uşaq ölüb, iki ailə üzvü yaralanıb. Bir az irəlidə, Əl-Murabid kəndində iki uşaq hava hücumu nəticəsində yaralanıb.

Taiz əyalətində Səudiyyə ordusunun hava hücumu nəticəsində bir uşaq və bir qadın həlak olub, üçü isə yaralanıb.

Bunun əksinə olaraq, Yəmən ordusunun raket bölməsi bu gün Səudiyyə ordusunun mülki əhaliyə qarşı hava hücumlarına cavab olaraq Səudiyyə Ərəbistanı torpaqlarındakı bir neçə strateji bazanı hədəfə alıb.

 “Allaha şükür, raket bölməsi beş ballistik raketlə Məlik Xalid aviabazasındakı Səudiyyə qırıcılarını və Cizandakı bir neçə başqa hədəfi darmadağın edə bildi.” – deyə briqada generalı Yəhya Səri bildirib.