Dəməşq Pompeonun Suriyanın işğal altındakı Qolan bölgəsinə səfərini pislədi

Sizinyol xarici mediaya istinadən xəbər verir:

Suriya Xarici İşlər Nazirliyi bir açıqlamasında ABŞ Dövlət katibinin Suriyanın işğal olunmuş Qolan məntəqəsinə qanunsuz girişini kəskin şəkildə qınadı.

Rəsmi Suriya Xəbər Agentliyi (SANA), Suriya Xarici İşlər Nazirliyindəki bir mənbəyə istinadən, cümə axşamı Mayk Pompeonun bu səfərlə Suriya Ərəb Respublikasının suverenliyini açıq şəkildə pozduğunu söylədi. Pompeonun səfəri İsrailin Suriyada davam edən hücumları ilə eyni vaxta təsadüf edir. Sonuncu hücum iki gün əvvəl 17 Noyabrda reallaşdı.

Suriya Xarici İşlər Nazirliyi bu cür səfərlərin Sionist rejimin düşməncəsinə və təhlükəli yanaşmasını davam etdirməyə təşviq edən bir cinayət olduğunu vurğuladı.

İşğal altındakı Suriyanın Qolan bölgəsi Suriyanın Əl-Qunəytərə əyalətinin bir hissəsidir. Sionist rejim 1967-ci ildə altı günlük müharibə zamanı bölgəni işğal etdi və 1982-ci ildə öz ərazisinə qatdı. Beynəlxalq ictimaiyyət bunu heç vaxt rəsmi olaraq tanımayıb.