SEPAH: “Hacı Qasımın səyləri sionistlərə Nildən Fərata şüarını unutdurdu”
İranın İslam İnqilabı Keşikçiləri Korpusunun (SEPAH) sözçüsü general Ramazan Şərif şəhid Hacı Qasım Süleymaninin öldürülməsinin vacib səbəblərindən birinin onun müqavimət cəbhəsinin gücləndirilməsindəki rolu və Sionist-Amerika hiylələrinin qarşısını almasındakı rolunun olduğunu bildirib.
Deyerler.org xəbər verir ki, SEPAH-ın Qüds Qüvvələrinin keçmiş komandiri şəhid general-leytenant Qasım Süleymani və İraqın Əl-Həşduş Şəbi təşkilatının komandirinin müavini şəhid Əbu Mehdi Əl-Mühəndisin şəhadətinin birinci ildönümü münasibətilə Livanın Əl-Əhd saytı, SEPAH-ın sözçüsü Ramazan Şərifdən müsahibə alıb.
Ramazan Şərif şəhid Süleymaninin müqəddəs müdafiədən və SEPAH-ın Qüds Qüvvələrinin komandanlığını təhvil almasından sonra vəzifəsinin sionist düşmənə qarşı müqavimət cəbhəsini gücləndirmək və Qüdsün azad edilməsi üçün hazırlıq və imkan təmin etmək olduğunu söyləyərək, belə deyib: “Bu bütün İslam ümmətinin tələbidir.
Fələstinin işğalından 70 il sonra düşmənlər hələ də özlərini qurmaq üçün səylərini ikiqat artırırlar. Fələstinliləri zorla didərgin salırlar, Livan və Suriya kimi İslam ölkələrini daima işğal edirlər. Fələstinlilər fərqli baxışları ilə biri danışıqlar yolunda, digəri sionistlərə qarşı mübarizə yolunda olmaqla iki qrupa bölünürlər. Son yetmiş ildə, imkanların olmaması və İslam ölkələri tərəfindən müqavimətə ciddi dəstək verilməməsi səbəbindən bu qrup ortaya çıxan danışıqlara inanmış və bu, Fələstin xalqının qəhrəmanlıqla müqavimət göstərməsinə baxmayaraq baş vermişdir.
Şəhid general Süleymani işğalçı sionist rejimə Müqavimət Cəbhəsini dəstəkləmə iddiasına başladıqdan sonra, müqavimətin sionist düşmənə qarşı qələbələr qazana bildiyini gördük. Bu işğalçıya Nildən Fərat şüarını unutdurmağa və işğal etdikləri torpaqların ətrafında istər-istəməz bir çəpər çəkməyə məcbur etdi. Bütün bunlar Fələstin müqavimət qruplarının müqavimət və özünə inam yanaşmasının nəticəsidir. Hizbullahın cəsur, bacarıqlı və səmimi komandiri, Hizbullahın baş katibi Seyid Həsən Nəsrullahın rəhbərliyi altında Livandakı uğurlu kampaniyası, 2006-cı ilin iyul müharibəsində düşmənə acı məğlubiyyət yaşatdı, 33 günlük müharibənin Müqavimət və Sionistlər üçün əhəmiyyətli təsirləri oldu.
Sionistlər o dövrdə ərəb ordularının məğlub edə bilməyəcəyi güc mərhələsinə gəldiklərini iddia edirdilər, ancaq Seyid Həsən Nəsrullahın zəkası və şəhid general Süleymani ilə birgə əməkdaşlığı sionistlərə ilk məğlubiyyət yaşatdı və bu bütün dünya tərəfindən etiraf edildi. İslami Cihad, HƏMAS və digər Fələstin müqavimət qrupları tərəfindən sionistlərə ardıcıl məğlubiyyətlərin şahidi olduq. Sionistlər hər dəfə müharibəyə başladılar, ancaq özləri əllərini qaldıraraq atəşkəs tələb etdilər (təslim olma əlaməti olaraq). Bütün bu atmosfer şəhid Hacı Qasım Süleymaninin varlığından və şirin qələbələrdən sonra əldə edildi. Beləliklə deyə bilərik ki, sionistlər, amerikalılar və bölgədəki müttəfiqləri terrorçu gətirmək, diqqəti Qüds və Fələstinin azad edilməsindən yayındırmaq üçün marjinal böhranlar yaratmaq siyasətini apardı.
Sionist rejim və ABŞ Nusra Cəbhəsi, İŞİD, Əhrar Əş-Şam və bənzərlərini müqavimətin ön cəbhəsi olan Suriyada daxili qarşıdurmanı alovlandırmağa dəstək verdilər. Amerikalılar, sionistlər, səudiyyəlilər, əmirliklər Hizbullah və müqavimət tərəfdarlarına qarşı vahid cəbhəyə ümid edirdilər, lakin Seyid Həsən Nəsrullahın dediyi kimi, Suriyada təhlükəni hiss edən ilk şəxs şəhid sərdar Süleymani idi və bu əldəqayırma qruplara, ABŞ, İsrail rejimi və bölgədəki müttəfiqlərinə hərəkətin başlanğıc nöqtəsi idi”.
Ramazan Şərif şəhid Süleymani və yoldaşlarının Suriya milləti, ordusu və hökuməti ilə birlikdə, İraq milləti və mərcəiyyəti ilə Livan Hizbullahının da meydana girməsinin amerikalıların və sionistlərin düşmənçilik layihəsinin məğlub olmasına səbəb olduğunu vurğulayıb: “Unutmayaq ki, Suriyadakı qarşıdurmanın ilk günlərində, o zaman ABŞ-ın dövlət katibi Hillari Klinton “Suriyanın dostları” kimi tanınan 82 ölkənin qatıldığı toplantıda Suriya müxalifətini silahlandırmağa çağırdı və Səudiyyə rejiminin xarici işlər naziri eyni toplantıda bu tələbi təkrarladı.
Şəhid Süleymaninin terror edilməsinin əsas səbəblərindən biri də, ABŞ-ın ardıcıl məğlubiyyətləri və Müqavimət Cəbhəsinin mövqeyinin sabitləşməsi idi”.
Ramazan Şərif İraq parlamentinin qərarına və ABŞ qoşunlarının ölkədən çıxarılması tələbinə toxunaraq deyib: “Bu gün amerikalılar İraqda qalmağa çalışırlar, ancaq bu ölkədəki siyasi rəsmilər, İraq rəhbərliyi və İraq xalqı parlamentin qanunu tətbiq etməsini istəyir.
Bölgənin hər yerində amerikalılar şərin və bəlanın mənbəyidirlər, amma amerikalıları bölgədən qovma hədəfi reallaşacaq. Birləşmiş Ştatlar nəhəng sərvətləri oğurlamaq üçün bölgədə mövcuddur və bu sərvətləri qarət etdikdən sonra, Vaşinqton Səudiyyə rejiminin rəsmilərinə qarşı etdiyi münasibətlə nümunə olaraq ölkələrin muzdlu liderlərini alçaldır. Son illərdə ABŞ narahatlığının artdığını gördük və onlar bölgəni tərk etmək istəyirlər. ABŞ-ın cinayətkar prezidentinin bölgədəki qüvvələrin azaldılması barədə danışdığını eşitdik”.
Şəhid Süleymaninin dəfn mərasimində HƏMAS-ın siyasi bürosunun rəhbəri İsmayıl Haniyənin “Şəhid Süleymani Qüdsün şəhididir” açıqlamasında da toxunan Ramazan Şərif, belə deyib: “Şəhid Süleymaninin Fələstinin və Müqəddəs Qüdsün azad edilməsini asanlaşdırmaq üçün mübarizə apardığı həqiqətdir.
Müsəlman ümmətinin ilk düşməni sionistlər və onların cinayətkar ABŞ tərəfdarlarıdır. Məqsədimiz İslam ümmətinin vəhdəti ilə sionistləri Fələstin torpaqlarından təmizləməkdir və müqəddəs Qüdsü birlik, özünə inam və Müqavimət Cəbhəsinin köməyi ilə azad etməkdir”.
