Silahlı şəxs Texas ticarət mərkəzində atəş açıb: ölən və yaralanan var
Naməlum silahlı şəxs Texas ştatının El Paso şəhərində ticarət mərkəzinə atəş açıb.
APA-nın TASS agentliyinə istinadən verdiyi xəbərə görə, bu barədə şəhər polisi məlumat yayıb.
“Polis Cielo Vista ticarət mərkəzinin restoranında açılan atəşə cavab verir. Bu sahədən çəkinin”, – hüquq-mühafizə orqanlarının Tvitterdə dərc olunan bəyanatında deyilir.
NBC telekanalı xəbər verir ki, hadisə nəticəsində bir nəfər ölüb, üç nəfər yaralanıb. Polis bir şübhəlinin həbsdə olduğunu təsdiqləyib.
Apa.az
