Sionist əsgərlər onlarla fələstinlini diri-diri basdırıblar

Sionist rejim əsgərləri vəhşicəsinə hərəkət edərək, onlarla fələstinli xəstə və köçkünü diri-diri basdırıblar.

Mehr Xəbər Agentliyinin Əl-Cəzirə telekanalına istinadla verdiyi xəbərə görə, sionist rejimin əsgərləri daha bir vəhşi cinayətdə xəstələr və köçkünləri Qəzzanın Kamal Ədvan xəstəxanasında çadırlarını bulduzerlə dağıtdıqdan sonra dəfn ediblər.

“Emad Zakout adlı Qəzzadakı jurnalistlərdən biri bu cinayətin qurbanlarının 20-dən çox cəsədinin də Kamal Ədvan xəstəxanasında yerdə qaldığını bildirib.

Bu reportyor Kamal Ədvan xəstəxanasının tamamilə dağıdıldığını və işğalçı qüvvələrin ətrafdakı bütün canlıları hədəfə aldığını vurğulayıb.

Bununla bağlı Qəzzadakı Fələstin Səhiyyə Nazirliyinin baş direktoru deyib: Yaralı və xəstələrin öldürülməsi, onların buldozerlərlə tapdalanması qanuni qurumlar tərəfindən qeydə alınmalıdır.

Digər tərəfdən, Qəzzanın Şucaiyyə məhəlləsi sionist ordusu tərəfindən bombalanıb.

Bundan əlavə, Fələstin xəbər mənbələri sionist rejimin qayıqlarının Qəzza zolağının cənubunda Xan Yunis və Rəfah dənizinə doğru minaatanlardan atəş açdığını bildirib.

Bundan əvvəl Qəzza zolağının cənubundakı Xan Yunus şəhərinin “Əl Mənarə” qəsəbəsində yaşayış evinin bombalanması nəticəsində 5 fələstinli şəhid olmuş, onlarla insan yaralanmışdı.

Həmçinin, sionist rejim ordusu Qəzzada Əl-Muəmdani xəstəxanası ətrafındakı əraziləri hədəfə almaqda davam edir. Xan Yunisin şərqindəki “Muin” bölgəsi və Qəzzənin qərbindəki bir neçə yaşayış məhəlləsi də sionist ordu tərəfindən bombalanıb.

Xan Yunis şəhərinin qərbindəki “Amal” qəsəbəsində 2 yaşayış evinin bombalanması nəticəsində əksəriyyəti qadın və uşaqlar olmaqla 20 fələstinli yaralanıb.