Sionist hərbçilər 20 fələstinlini şəhid edib
Fələstin Səhiyyə Nazirliyi bəyanat yayaraq, İsrail qüvvələrinin bu il işğal etdiyi ərazilərin müxtəlif bölgələrində 20 fələstinlini qətlə yetirdiyini bildirib.
Palestine Today-in məlumatına görə, Fələstin Səhiyyə Nazirliyi sionistlərin fələstinlilərə qarşı düşmənçilik hərəkətləri ilə bağlı bəyanat yayıb. Nazirlik çərşənbə axşamı sionistlərin işğal olunmuş ərazilərin müxtəlif bölgələrində üç fələstinlini şəhid etmək cəhdini pisləyib.
Məlumata görə, Fələstin Səhiyyə Nazirliyinin bəyanatında deyilir: Sionist ordu tərəfindən daha 3 Fələstin vətəndaşının şəhid edilməsi ilə bu ilin əvvəlindən sionistlər tərəfindən şəhid edilənlərin sayı 20 nəfərə çatıb.
Qeyd edək ki, sionist hərbçilər çərşənbə axşamı işğal olunmuş ərazilərin müxtəlif bölgələrində 3 fələstinlini şəhid ediblər. Bununla bağlı Fələstin mənbələri bildiriblər:
Bu gün səhər saatlarında işğalçı sionist qüvvələrin Nablusun şərqindəki Balta düşərgəsinə hücumu zamanı bir fələstinli yeniyetmə şəhid olub. Sionist əsgərlər tərəfindən şəhid edilən yeniyetmə 17 yaşlı Nadir Heysəm Rəyyandır.
Bu arada sionistlərin 1948-ci ildə işğal olunmuş ərazilərdəki Rəhat bölgəsinə hücumu zamanı ikinci bir nəfərin də şəhid olduğu bildirilir.
Sionistlər tərəfindən şəhid edilən üçüncü şəxs Əla Şəhamdır. İşğal altında olan Qüdsdəki Qələndiyyə düşərgəsində baş verən qarşıdurmalardan sonra 24 yaşlı fələstinli gənc sionist işğalçılar tərəfindən güllələnib.
