Sionist hərbçilər iki gənc fələstinlini güllələyib və yaralayıblar
Bazar ertəsi axşam Ramullahın şimal-qərbindəki Əl-Məzrəətul-Qərbiyyə kəndində İsrail ordusu ilə toqquşma zamanı iki fələstinli gənc yaralanıb.
Sputnik-ə istinadən verilən məlumata görə, bazar ertəsi axşam Ramullahın şimal-qərbində Əl-Məzrəətul-Qərbiyyə kəndində İsrail ordusu ilə toqquşma zamanı iki gənc fələstinli yaralanıb.
Fələstin Səhiyyə Nazirliyi açıqlama verib: “19 yaşlı fələstinli cavan kürəyindən güllə yarası alaraq xəstəxanaya aparılsa da, vəziyyətinin ağır olduğu bildirilir.” Digər 17 yaşlı gənc də qolundan plastik güllələrlə vurulub.
Toqquşmalar bazar ertəsi axşam saatlarında İsrail ordusunun Əl-Məzrəətul-Qərbiyyə kəndinə hücumu zamanı başlayıb və ordu həqiqi sursat, plastik güllə və gözyaşardıcı qazdan istifadə edib.
