Sionist hava qüvvələri Livanın cənubuna zərbələr endirib
Atəşkəs rejimini pozmağa davam edən İsrail qırıcı təyyarələri Livanın cənubunda yerləşən Sidonun Əl-Bissariya qəsəbəsinə hücum edib.
Sizinyolun xarici KİV-lərə istinadən verdiyi məlumata əsasən, bu gün (7 fevral) Əl-Bisariyyə qəsəbəsi – Təbnə məhəlləsində partlayış səsi eşidilib və bunun İsrail döyüş təyyarələrinin hücumu nəticəsində olduğu müəyyən edilib.
Digər tərəfdən, informasiya qaynaqları işğalçı rejim ordusunun Livanın cənubundakı Kəfr Qala sərhəd qəsəbəsində iki dəfə partlayıcı əməliyyatlar həyata keçirdiyindən xəbər verir.
Xatırladaq ki, 27 noyabr 2024-cü ildə atəşkəs razılaşmasının imzalanması ilə İsrail ordusu ilə Hizbullah arasında 8 oktyabr 2023-cü ildə başlayan müharibə başa çatdı.
60 günlük bu razılaşmaya əsasən, işğalçı İsrail rejimi Livanın cənubunda işğal etdiyi yaşayış məntəqələrini tərk etməli idi.
