Sionist köçkünlərə 17 min silah lisenziyası verilir

Sionist rejimin internet saytının məlumatına görə, qarşıdakı həftədə israilli mühacirlər üçün 17 min odlu silah lisenziyası veriləcək.

Sionist rejimin 0404 internet saytı yazıb ki, on minlərlə sionist köçkün Fələstinin hücumlarından qorxaraq silah daşımaq üçün icazə almağa hazırlaşır və birinci mərhələdə 17 min nəfərə lisenziya veriləcək.

Ərəb 21 saytının məlumatına görə, Netanyahu kabinetinin ən radikal üzvlərindən hesab edilən sionist rejimin daxili təhlükəsizlik naziri İtmar Ben Guer bu planın banisidir və o, bununla bağlı Tel-Əviv rejiminin digər rəsmiləri ilə bu həftə görüş keçirəcək.

Keçən il 17 min sionist silah daşımaq üçün lisenziya istəyib və bu lisenziyalar tez bir zamanda onlara veriləcək və bu nazirlikdə lisenziyaların verilməsi prosesi sürətləndiriləcək.

Ben Guer həmçinin Daxili Təhlükəsizlik Nazirliyinin rəsmilərindən silah lisenziyasının verilməsi üçün müsahibənin asanlaşdırılmasını və əvvəllər Sionist Ordusu, Şabak, Mossad, Polis və Sərhəd Mühafizəçiliyində olanlardan müsahibə almamağı xahiş edib.

Ben Guerin sözlərinə görə, sionist mühacirlərin əlində daha çox silahın olması fələstinlilərin şəhidlik əməliyyatlarının effektivliyini azaldacaq.

Netanyahu kabinetinin daha çox sionisti silahlandırmaq səyləri 21 yaşlı fələstinlinin işğal olunmuş Qüdsdə səkkiz sionisti güllələməsindən və ən azı 12 sionisti yaraladıqdan əməliyyat yerindən qaça bildikdən sonra gücləndi. Əlbəttə, həmin fələstinli daha sonra sionist əsgərlərlə döyüşə girdi və şəhid oldu.

 “New Yorker”in yazdığına görə, İsraildə silah almaq üçün hökumət icazəsi lazımdır və silah alan şəxs bu icazəni almaq üçün lazımi şərtlərə cavab verməlidir.

Bu o deməkdir ki, onun ən azı 27 yaşı olmalı və hərbi xidmət keçməli, silah təhlükəsizliyi imtahanından keçdikdən sonra, fiziki və psixi sağlamlığının olması barədə həkimdən arayış almalıdır.