Sionist mühacirlər: İordan çayının qərb sahili ikinci Qəzzəyə çevrilib

Sionist məskunlaşmaçılar sionist ordusunun komandirlərinə ünvanladığı məktubda İordan çayının qərb sahilindəki təhlükəsizliksizlikdən şikayətləniblər.

Bir sıra sionist mühacirlər sionist ordu komandirlərinə ünvanladığı məktubda İordan çayının qərb sahilinin şimalındakı əmin-amanlıq barədə xəbərdarlıq ediblər.

Sionist Kan şəbəkəsi bildirib ki, köçkünlər bu məktubda İordan çayının qərb sahilinin şimalının ikinci Qəzzəyə çevrildiyini və ordunun bu bölgədə çətinliklə hərəkətə keçə bildiyini vurğulayıblar.

Sionist mühacirlər dünən Cənin yaxınlığında 5 sionist, o cümlədən 4 əsgərin yaralanması ilə nəticələnən anti-sionist əməliyyatından saatlar sonra ordunu bir daha tənqid edərək, bu bölgədə özlərini əmin-amanlıq və təhlükəsizlikdə hiss etmədiklərini bildiriblər.

Şimal-qərbi İordaniya Briqadasının komandiri polkovnik Arik Moyal da ordunun Şimal-qərb Sahilində öz missiyalarını yerinə yetirə və mühacirləri qoruya bilmədiyini etiraf edib və ordu qüvvələrinin bu bölgədə təhlükəsizliyi təmin etməyə çalışacağını bildirib.

Dünən axşam (çərşənbə axşamı, 13 iyun) fələstinli müqavimət qrupu Cənin yaxınlığında sionistlərə atəş açaraq, bir mühacir və dörd sionist əsgəri yaralayıb. Bu əməliyyat sionist işğalçı qüvvələrin bir fələstinli gənci ələ keçirmək üçün Nablusdakı “Bəlatə” düşərgəsinə basqın edərkən həyata keçirilib və nəticədə “Faris Həşşaş” adlı bu fələstinli gəncin şəhadəti və bir neçə fələstinlinin yaralanması ilə nəticələnib.

Sionist mediası Cənin yaxınlığındakı dünənki əməliyyatdan sonra elan edib ki, sionist ordu və Şabak Nablus və Cənində fələstinli döyüşçülərə qarşı hücum əməliyyatlarını gücləndirməli və bu səbəbdən genişmiqyaslı hərbi əməliyyata girməlidirlər.

Bu, “Ərinəl-Usud” müqavimət qruplaşmasının reaksiyası ilə qarşılanıb və qüvvələrini İordan çayının qərb sahilində hazırlamaq əmri verib.