Sionist ordunun Baş Qərargahındakı hərbi mənbə: Əsgərlər Livanla sərhəddə gizlənirlər
Sizinyol xarici mediaya istinadən xəbər verir:
Sionist ordunun baş qərargahındakı bir zabiti işğal altındakı Fələstinin Livanla sərhədindəki vəziyyətini ziddiyyətli olaraq xarakterizə edərək, əsgərlərin hədəfə alınmaması üçün gizləndiklərini söylədi.
Sionist rejim ordusunun Baş Qərargah zabiti Sionist qəzet “Yedioth Ahronoth” a verdiyi müsahibəsində işğal altındakı Fələstinin Livanla sərhədlərindəki mövcud vəziyyəti izah edib.
Ərab 48 xəbər saytının verdiyi məlumata görə, zabit: “Paradoksal bir vəziyyət var: Əsgərlər hədəf alınmamaq üçün gizlənərkən vətəndaşlar yollarda sərbəst hərəkət edirlər.” –deyə bildirib.
Bu açıqlamalar “Əli Kamil Möhsin adlı bir Hizbullah komandirinin İsrailin Şama hava hücumunda öldürülməsindən iki ay sonra verildi. Livan Hizbullah hərəkatının baş katibi Seyid Həsən Nəsrullah: “Bizim üçün hücum və qisas qərarı qətidir. Biz cavab verməyə tələsmirik.” – dedi.
