Sionist ordusu: Şimal bölgə sakinləri sığınacaqların yaxınlığında qalsın

Sionist rejim ordusu işğal olunmuş Fələstinin şimalında yaşayan sionistlərə sığınacaqların yaxınlığında qalmağı əmr edib.

İRNA-nın verdiyi məlumata görə, İsrail ordusu dünən gecə (30 avqust) işğal olunmuş Fələstinin şimalında Əl-Cəliləl Qərbi bölgəsinin sakinlərinə sığınacaqların yaxınlığında qalmağı əmr edib.

Məlumata görə İsrail ordusu bu əmrin səbəblərini açıqlamayıb.

Amma ekspertlərin fikrincə bu əmr Hizbullahın işğal olunmuş Fələstinə kütləvi raket hücumu ilə əlaqədardır.

Xəbər mənbələri cümə günü gecə saatlarında Hizbullahın işğal olunmuş Fələstinin şimalında sionist yaşayış məntəqələri və bazalarını onlarla raketlə hədəfə aldığını açıqlayıblar.

İsrailin Müdafiə Ordusu mətbuat xidmətinin məlumatına görə Livan ərazisindən ölkənin şimalında Qərbi Qalileyə 40-a yaxın raket buraxılışını qeydə alıb, mərmilərin bəziləri vurulub. Qərbi Qaliley bölgəsində saat 22:26-dan 23:02-dək sirenlər səsləndikdən sonra Livandan İsrail ərazisinə atılan 40-a yaxın mərmi müəyyən edilib. Mərmilərdən bəziləri vurulub və bir sıra düşmüş mərmilər müəyyən edilib.