Sionist rejim bütün cəbhələrin eyni vaxtda açılmasından narahatdır

Sionist rejimin Hərbi Kəşfiyyat Təşkilatının keçmiş rəhbəri deyib: Biz eyni vaxtda bir neçə cəbhədə müharibəyə girmək barədə hakimiyyətə dəfələrlə xəbərdarlıq etmişik.

İRNA-nın xəbərinə görə, “Rəy Əl-Yəvm” regional qəzetindən Aharon Zaevi Farkaş əlavə edib: İran, Hizbullah və fələstinlilər regionda bir neçə cəbhə daxil olmaqla geniş və təhlükəli bir ox yaradıblar.

O, əlavə edib: İsrail siyasətçiləri bu məsələyə diqqət yetirmirlər və hətta Netanyahunun kabinetinin nazirləri də bu faktdan xəbərsizdirlər.

“Bu, siyasi məmurları mümkün böyük müharibə barədə xəbərdar etdiyimiz ən nadir hallardan biridir.” – Farkaş bildirib.

O, bəyan edib: Dəqiq məlumatlara əsaslanaraq deyirəm ki, düşmənlərimiz İsrail cəmiyyətində yaranmış boşluqdan xəbərdardırlar və bu boşluğun getdikcə artdığını bilirlər.

Sionist rejimin hərbi kəşfiyyatının keçmiş rəhbəri deyib: İsrail təhlükəli siyasi və sosial böhranlarla üz-üzədir.

Farkaş Netanyahu kabinetinin məhkəmə islahatı planının həyata keçirilməsində israrlı olması səbəbiylə ABŞ ilə artan mübahisələrə qarşı xəbərdarlıq edərək əlavə edib: “Bu, gələcək müharibədə ABŞ-ın bizə silah verməyəcəyi bir nöqtəyə gətirib çıxara bilər.”