Sionist rejim İordan çayının qərb sahilindəki qüvvələrini artırıb

Fələstinli döyüşçülərin İordan çayının qərb sahilində müqavimət əməliyyatlarının sayının artması ilə sionist ordu İordan çayının qərb sahilindəki əsgərlərinin sayını artırmağa məcbur olub.

Mehr Xəbər Agentliyinin Fələstin Əl-Yəvm-ə istinadən verdiyi xəbərə görə, bu bazar günü sionist ordu öz qüvvələrinin daha iki batalyonunu işğal altındakı İordan çayının qərb sahilinə göndərəcəyini elan edib.

Sionist ordunun sözçüsü çıxışında elan edib: İordan çayının qərb sahilindəki təhlükəsizlik vəziyyəti ilə bağlı edilən təxminlərə əsasən, ordu İordan çayının qərb sahilindəki qüvvələrinə daha iki batalyon əlavə etmək qərarına gəlib.

O, açıq-aşkar etiraf edərək bildirib ki, sionist işğalçı ordunun bu hərəkətinin səbəbi İordan çayının qərb sahilində müqavimət döyüşçülərinin əməliyyatlarının sayının artmasıdır.

Həmçinin, sionist Kan telekanalı xəbər yayaraq, fələstinli müqavimət döyüşçülərinin İordan çayının qərb sahilinin şimalında silahlı əməliyyatlarının artmasının işğal olunmuş Fələstinin digər bölgələrində sionist ordusunun gücünü zəiflətdiyini elan edib.

Qeyd edək ki, İordan çayının qərb sahilində müqavimət əməliyyatlarının artması ilə ölən və yaralanan sionistlərin sayı kəskin şəkildə artıb və sionist mühacirlər son dərəcə qorxuya düşüblər. Təkcə ötən həftə sionistlərin İli qəsəbəsi yaxınlığında keçirilən müqavimət əməliyyatları zamanı 4 sionist mühacir öldürülüb, daha 4 sionist isə yaralanıb.