Sionist rejim işğal olunmuş Fələstinin şimalında 9 min yaşayış binası tikməyi planlaşdırır

Müvəqqəti sionist rejimin yeni kabineti başqa bir işğal planı çərçivəsində Fələstindəki Qələndiyyə düşərgəsi yaxınlığında 9 min yaşayış binası tikməyi planlaşdırır.

Benyamin Netanyahunun başçılıq etdiyi müvəqqəti sionist rejimin yeni kabineti Fələstinin işğal olunmuş şimal bölgəsində yeni işğal planlarını irəli sürür.

Əl-Hüdhüd xəbər saytı bildirib ki, sionistlərin yeni planı sionistlərin “Atrot” hava limanı adlandırdıqları köhnə Qüds hava limanının torpaqlarında sionist qəsəbəsi tikməkdir.

Bu hava limanı Qələndiyyə düşərgəsinin yaxınlığında yerləşir.

Bu plana əsasən, sionistlər bu ərazidə 9 min yaşayış məntəqəsi tikəcək və onların əksəriyyətini “Haredilər”ə təhvil verəcəklər.

Haredim firqəsinin ardıcılları çox təhlükəli düşüncələrə malikdirlər və son rəsmi sionist statistikaya görə onların sayı iki milyondan çoxdur.

Bu təriqət üzvlərini razı salmaq üçün Netanyahunun kabineti Fələstin torpaqlarının müsadirə edilməsi sürətini artırıb.

Netanyahunun kabineti bir qədər mübahisəli olan bu işğal planını irəli sürüb, belə ki, sionist kabinetə 30 il əvvəldən indiyədək 1967-ci il sərhədləri daxilində sionist yaşayış məntəqələrini genişləndirmək qadağan edilmişdi.

Əl-Hüdhüd-ün məlumatına görə, ABŞ Netanyahuya bu qəsəbənin tikintisinin qarşısını almaq üçün məhdud təzyiq göstərir, çünki bu, ərəb məhəllələri arasında əlaqəni kəsəcək və istənilən siyasi tənzimləməyə zərər verəcək.

Bu plan ötən il də təklif edilmişdi, lakin xəritə çəkilişi ilə əlaqədar təxirə salınmışdı.

Keçən həftə Netanyahu və onun digər partiya üzvləri bu planı irəli sürdülər və hətta bu qəsəbənin salınacağı əraziyə baş çəkdilər.