Sionist rejim Nəsrullahın dəfn mərasimində qüdrət nümayiş etdirir

Sionist rejim Nəsrullahın dəfn mərasimində qüdrət nümayiş etdirir

İsrail Livana hava zərbələri endirməklə və döyüş təyyarələrini Beyrut səmasında uçurmaqla İrana qarşı güc nümayişi etdi. İsrail müdafiə və xarici işlər nazirləri bu hərəkətlərin İrana göndərilən mesaj olduğunu bildirərkən, İsrail ordusu Livandakı hərbi hədəfləri vurduğunu iddia edib.

İsrail Hizbullahın baş katibi Həsən Nəsrullah və Haşim Safiyəddinin dəfn mərasimində döyüş təyyarələri ilə gücünü nümayiş etdirib.

Hərbi Hava Qüvvələrinə məxsus təyyarələrin Livanda 14 nöqtəyə hava zərbələri endirməsi və dörd döyüş təyyarəsinin Beyrutdakı stadionun üzərindən alçaqdan uçaraq səs sürətini aşması və paytaxt üzərində şok dalğalar yaratması “İrana mesaj” kimi qiymətləndirilib.

İsrailin xarici işlər naziri Gideon Saar deyib: “Nəsrullahın dəfn mərasimindən yayılan görüntülər Livanın gəldiyi tarixi yol ayrıcını açıq şəkildə göstərir. Ya İranın Hizbullah vasitəsilə işğalı davam edəcək, ya da İran və Hizbullahdan qurtularaq azadlığa nail olacaqlar .”

İsrailin müdafiə naziri Yisrael Katz, “İsrail döyüş təyyarələrinin dəfn mərasimi üzərində uçması açıq bir mesaj verir. İsraili təhdid edən və hücum edənlərin başına gələnlər belə olacaq” deyə, “Siz dəfn mərasimləri ilə məşğul olursunuz, biz qələbələrlə məşğul oluruq” deyərək sözlərini istehza ilə tamamlayıb.

İsrail ordusu açıqlamasında bildirib ki, Livanda “Hizbullah”ın fəaliyyətlərini aşkar etdikdən sonra içərisində reaktiv yaylım atəşi sistemləri və döyüş maşınları olan hərbi hədəfə hücum başlayıb.

Bəyanatda həmçinin bildirilir ki, işğalçı rejim ordusu Livanın cənubunda “İsrail ərazisi üçün təhlükə törətdiyi” iddia edilən bir neçə Hizbullah reaktiv yaylım atəşi sistemini vurub.

İsrail hərbçiləri bu hücumların Hizbullah tərəfindən Livan və İsrail arasında mövcud razılaşmaların pozulması kimi qiymətləndirildiyini və bu fəaliyyətlərin İsrailin və onun məskunlaşanlarının təhlükəsizliyinə təhdid yaratdığını müdafiə edib.

Təl-Əvivdəki siyasi mənbələr İsrailin Bekaa və Livanın cənubuna hava hücumları və dəfn mərasimi üzərində alçaq hündürlükdə uçuşlar həyata keçirməsinin baş nazir Benyamin Netanyahunun ötən həftə verdiyi siyasi qərar olduğunu bildirib.

Mənbələr bu hücumun təkcə Hizbullaha deyil, Hizbullah əməliyyatlarından qorxaraq evlərinə qayıtmaqda tərəddüd edən mühacirlər və xüsusilə də İrana bir mesaj olduğunu vurğulayıblar.

“Maariv” qəzetinin yazdığına görə, İsrail ordusunun hərbi hava qüvvələri Livan, Suriya və xüsusilə Livan-Suriya sərhədindəki hücumlarla “Livan və Suriya səmasının İsrail təyyarələri üçün tamamilə açıq olduğunu və bu, İrana gedən yolu qısaldır” deyə Tehrana çatdırmağa çalışır.

Qəzet əlavə edib ki, “Tehran İran mülki təyyarələri ilə ölkəyə külli miqdarda pul keçirə bilib. Bu təyyarələrdə dəfn mərasimində iştirak edən minlərlə iranlı da olub. Lakin İsrail amerikalılara dəyərli kəşfiyyat məlumatı verdikdən sonra digər cəhdlərin qarşısı alınıb”, – deyə qəzet əlavə edib.

ydh

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

20 − eighteen =